Arctic Circle Business pillugu
Kikkuuvugut?
Arctic Circle Business aaqqissuussaavoq namminersortoq Qeqqata Kommuniani inuussutissarsiortunit ingerlanneqartoq.
Tamaasa naapittarpagut: paasisaqarusuttoq, isumassarseqqammersoq, suliffeqarfimmik ineriartortinniarluni anguniagaqartoq, inuiaqatigiinni sunniuteqarluartut angisuut. Inuit, isumassarsiat aammalu aaqqiissutissat ataqatigiisissinnaavagut attaveqaateqarluarnerput aqqutigalugu
Destination Arctic Circle
Suliatta ilagaat subbrandi Destination Arctic Circle aqqutigalugu takornariartitsinermik ineriartortitsineq. Nunap immikkoortua Kalaallit Nunaanni ornitassat pissanganartut (adventure-destination) annerpaavoq, ukiorlu iluitsoq misigisassaqartarnissaq sulissutigaarput taamaalilluni takornariaqarneq inuussutissarsiortunut kajumissaataassammat.
Takorluukkat
Arctic Circle Business Kalaallit Nunaanni Issittumilu suliffeqarfimmik ingerlatsinissamik ajornannginnerulersitsiniarluni sulissuteqarpoq.
Suliassaqarfinni assigiinngitsuni suleqatigiittoqartariaqarpoq: aallartisaasut, inuussutissarsiortut, pisortat namminersorlutillu oqartussat akornanni.
Anguniakkat
Anguniagarput pingasunut avinneqarpoq, sulinitsinni tunngaviliisunik.
-
Inuussutissarsiortut aamma pisortat akornanni suleqatigiinneq nukittorsarparput
-
Aallartisaaneq, avammut annissuineq aamma namminersorluni inuussutissaqarneq tapersersorparput
-
Sulinerup sunngiffiullu akornanni pitsaanerusumik oqimaaqatigiissitsinissaq sulissutigaarput
Kingullertut suliniut #NaturaBeing – ataatsimoorfiusoq pilersipparput, tassani Qeqqani innuttaasut inuussutissarsiuteqartullu inuussutissarsiornermik ulluinnarnilu inuunermik ataatsimoortitsilernissamut isumassarsitinneqassallutik.
Naleqartitat
Arctic Circle Business-imi tunniusimaneq sullissilluarnerlu sulinitsinni attuppagut. Upperaarput, ataqqinninneq iliuusitsinnut tamanut toqqammaviusoq – inunnut, kulturitsinnut aamma pinngortitamut inuunitsinnut ilaasumut ataqqinninneq.
Suleqatigiinneq aamma ataatsimoorneq pingaartippagut, pissutigalugu isumassarsiat nukiillu assigiinngitsut naapinnerinni angusat pitsaanerpaat pilersinneqartartut nalunnginnatsigut. Aaqqiissutissarsiortuarpugut, inuussutissarsiornermut massakkoqqissaaginnaq iluaqutaasuniinnaanngitsoq kisianni kinguaariinnut tulliuttunut attaneqarsinnaasumik siunissamik pilersitseqataaffiusoq.
Siunertaq
Arctic Circle Business Qeqqata Kommuniani inuussutissarsiortunut katersuuffiuvoq. Ataatsimoorutta nukittussuseq, uppernassuseq aamma najukkami tunngaveqarneq pilersissavarput.
Siunertarput tassaavoq suliffeqarfinnut aallartisartunullu atukkanik pitsanngorsaanissaq, periarfissanik nutaanik ammaanissaq aamma periarfissanik pilersitsinissaq, inuussutissarsiornermut iluaqutaanginnanngitsunik – kisianni aamma inuiaqatigiinnut inunnullu ilaasunut aamma iluaqutaasussanik.
